我哋係邊個

ContentMaMa 係一個喺香港做嘅工具：畀你一個題目， 佢幫你出成套 Instagram 輪播貼文——文案、逐頁排版、caption 齊晒。

點解會做呢樣嘢

做開 IG 嘅人都知條數點計：一個 carousel post，由諗題目、寫十頁字、 執到通順、再排十張圖，一晚就冇咗。用通用 AI 做唔係做唔到，但十頁要風格一致、 尺寸啱、語氣唔走樣，就要逐次落 prompt 盯住，出咗仲要一頁頁執返。

而更煩嗰樣係語言。AI 寫中文預設唔係香港中文：一句「小編幫你整理了滿滿的乾貨」， 香港讀者一眼就知唔係本地人寫。改到似返香港人講嘢，往往比重新自己寫仲慢。 我哋喺 blog 度詳細講過呢件事。

所以 ContentMaMa 由第一日就係廣東話原生——唔係寫完書面語再翻譯， 而係生成階段就擋走台灣同大陸用詞。同埋成條線做埋：一個題目入去， 出嚟就係 1080×1350 可以直接出 post 嘅成品。

我哋做到咩、做唔到咩

下面「未做到」嗰欄係真嘅——我哋寧願你落單之前就知， 好過你用到一半先發現。

呢張清單會跟住產品變（更新記錄有排緊隊嘅嘢）。等緊某樣功能先決定用唔用嘅，email 話我哋知—— 知道有人等緊，排優先次序嗰陣真係有分別。

供應範圍

本服務主要面向香港用戶，介面同文案以繁體中文（香港）為主，價格以港幣計算。 我哋暫時唔向歐洲經濟區、瑞士同英國嘅消費者提供服務； 詳情見條款及細則。

公司資料

搵我哋

咩事都好——查詢、報 bug、講需求、投訴——info@contentmama.ai。 呢個係我哋唯一嘅正式聯絡方法。

如果係《個人資料（私隱）條例》下嘅查閱或改正資料要求， 請喺標題寫明，我哋會喺 40 日內回覆（即條例訂明嘅期限）。 詳情見私隱政策。